Yozuvchi hali «Jyul Vern» nomida shuhrat qozonmasdan ilgari «Sirli orol» asarini yozishni o‘ylab qo'ygan ekan. «Kapitan Grant bolalari»ni 1868-yilda nihoyasiga yetkazgach, «Suv ostida 20000 lyo», «Dunyo bo'ylab 80 kunda» romanlarini yozdi va yana sarguzasht olamiga qaytib, ko'pdan o‘ylab yurgani «Sirli orol»ni 1875-yilda, 1878-yilda esa «O‘n besh yoshli kapitan»ni qog'ozga tushirib, nashr ettirdi. Shu dallilardan ko'rinib turibdiki, qo‘lingizdagi asarning yoshi yuz yildan oshib ketibdi. O‘n to'qqizinchi asrda dunyo yuzini ko‘rgan asar yigirmanchi asrda ham yashadi, dillarni quvontirdi, yigirma birinchi asrda ham yashamoqda.