Ўткир Абдураҳимовнинг ушбу асарида ўзбек адабиёти томонидан ҳали «ишланмаган» мавзу қаламга олинган - Халқаро полиция (Интерпол) фаолияти ёритилган. Шу ҳам муҳимки, асарнинг бош қаҳрамони, «Интерпол» ходими Эркин Пўлатов муаллиф ижодий хаёлоти маҳсули эмас, бугунги кунда соғ-омон яшаб турган замондошимиз, юртдошимиздир. Миллати ҳам - ўзбек. Романда ҳозирги замоннинг муаммоларидан бири - наркотик моддалар ҳамда қурол-яроғ савдоси билан ноқонуний шуғулланаётган жиноятчилар тўдасининг фош этилиши жуда қизиқарли ва ҳаяжонли тарзда ҳикоя қилинадики, бу унинг китобхонлар томонидан севиб ўқилишини таъминлайди.