Feruzaning ilhom va dard bilan yozgan har bir she'rining o'z ohangi bor. Yosh shoiraning bedor ruhiyatida yorug'likdan quvonchni, zulmatdan xavotirni, be'tama muhabbat va ezgulikka fidolikni tuyasiz. U insoniyat dardlarini qaytib tushmaydigan qilib osmonga yulduzday sochib yuborishni, baxtni esa zaminga ekinday ekishni orzu qiladi. O'ziga xos nigoh, o'ziga tashbeh va obrazlari bilan o'z tengdoshlari ichida e'tirofga sazovor bo'layotgan yosh shoirani she'riyat ixlosmandlari ham e'tirof etishlariga umidimibor.