Sohibqiron Amir Temur va uning jahon tarixida tutgan o`rni haqida Fransiyada o`nlab tarixiy- badiiy va ilmiy asarlar yaratilgan. Mazkur asar 1980 yilda Parijdagi "Payot" nashriyoti tomonidan nashr qilingan. Shundan so`ng yana bir necha bor qayta-qayta bosilgan bu roman Samarqand tarixi bilan boshlanib Amir Temurning dunyoga kelishidan umrining oxirigacha bosib o`tgan xayot yo`lini qamrab oladi. Unda sohibqiron barpo etgan saltanatning keyingi taqdiri xamda Boburning xayotiga alohida boblar ajratilgan. Buyuk bobokalonimizning Yevropa qirollari bilan o`rnatgan munosabatlari xaqidagi qimmatli ma`lumotlar xam ilova qilingan.