Ushbu darslik bakalavrlar uchun mo'ljallangan bo'lib, unda bosma mahsulot ishlab chiqarish jarayonida ishlatiladigan zamonaviy terish va bosma qolip tayyorlashda qo'llaniladigan uskunalar, ya'ni tasvirni tahlil qilish uchun skanerlar, lazer fotonabor avtomatlar, lazerli va oqimli printerlar, nusxa ko'chiruvchi ramalar, ofset va fotopolimerlar plastinalarga ishlov berish uchun protsessorlar haqida ma'lumot keltirilgan. Matbaa sanoati murakkab ishlab chiqarishdir. U fan-texnikaning eng yangi yutuqlaridan foydalangan holda tobora takomillashib va rivojlanib boradi. Bunday uzluksiz takomillashuv matbaachilarning umumiy va maxsus tayyorgarchilik darajasini muttasil oshira borishini, ulardan o'z ishlarida ijodiy yondashishni talab qiladi.