Ушбу дарслик Ватанимиз ва ўзбек халқининг ўрта асрларда бошидан кечирган ғоятда мураккаб ва машаққатли ҳаёт тарихига бағишланган. Унда меҳнатсевар халқимизнинг бунёдкорлик ишлари,юксак маданияти ҳамда она-Ватаннинг тинчлиги,осойишталиги ва мустақиллиги йўлида олиб борган фидокорона фаолияти тарихи даврма-давр ёритилган. Айниқса,ўзбек халқининг шаклланиши ва унинг ўрта асрлардаги давлатчилиги баёнига,бой ва сермазмун маънавияти ва қадриятлари моҳиятига алоҳида аҳамият берилган. Ўтмиш тарихмизнинг бой мероси ёш талабаларни юксак ватанпарварлик руҳида тарбиялашда, уларнинг онгига Ватанга бўлган муҳаббат,маънавиятимизга бўлган меҳр ва эътиқодни сингдириш,миллий тафаккурни шакллантиришда ҳамда эзгу мақсадлар билан келажак сари дадил қадам ташлашда кўмак беради. Дарслик олий ўқув юртларининг бакалаври учун мўлжалланган.